Qazaqstanda transulttyq uıymdasqan qylmystyq toptyń (UQT) esirtki arnasy joıyldy, dep habarlaıdy “Adyrna” ulttyq portaly QR IIM resmı ınternet-resýrsyna siltep.
«Ishki ister mınıstrligi transulttyq uıymdasqan qylmystyq toptyń sıntetıkalyq esirtkini óndirý jáne taratý arnasyn joıdy. Polıııa úsh sheteldikke qatysty transulttyq uıymdasqan top qurý, oǵan jetekshilik etý jáne oǵan qatysý faktisi boıynsha qylmystyq is qozǵady», - delingen sársenbi kúni taratqan habarlamada.
Kúdiktiler Aqmola oblysy Ereımentaý qalasynyń irgesindegi psıhotroptyq zattardyń analogtary zańsyz daıyndalyp, saqtalaǵan kúdiktilerdiń biri jaldaǵan ýaqytsha jeke úıde ustaldy.
«Ár qatysýshynyń rólderi, tapsyrmalary jáne naqty áreketteri top músheleri arasynda naqty bólindi. Dárilik zerthana zamanaýı salqyndatý jáne jeldetý júıelerimen, sondaı-aq «sıntetıka» óndirýge arnalǵan jabdyqtarmen jabdyqtalǵan. Esirtkiler qatań qupııalylyq jaǵdaıynda daıyndalǵan. Qatysýshylar kórshilerin aldap, óte qajet bolǵan jaǵdaıda ǵana úıden shyǵýǵa mashyqtanǵan. Beınebaqylaý kameralary úı alańynyń perımetri boıynsha uıymdastyrýshyǵa Wi-Fi shyǵysymen ornatyldy. Sonymen qatar, shıkizat pen daıyn preparattardy saqtaýǵa arnalǵan garaj, avtokólik satyp alǵan. Satyp alynǵan múliktiń barlyǵy «sur» shema boıynsha tólenip, sheteldik satyp alýshyǵa tirkelmegen», - dedi IIM ımıdjdik jumys jáne ishki kommýnıkaııalar basqarmasynyń bastyǵy Shyńǵys Álekeshev.
Tintý kezinde barlyǵy 12 keliden astam mefedron men 17 keliden astam prekýrsorlar tárkilendi.
Eske sala keteıik, buǵan deıin Qazaqstan dúnıejúzi boıynsha esirtkini belsendi qoldanatyn aldyńǵy on eldiń qataryna kirgen edi.
