Batys Qazaqstan oblysy polisiia departamentınıŋ esırtkı qylmysyna qarsy ıs-qimyl basqarmasynyŋ qyzmetkerlerı Batys Qazaqstan jäne Atyrau oblystarynyŋ aumaǧynda bailanyssyz jasyru ädısımen marihuana jäne gaşiş esırtkı qūraldaryn satumen ainalysqan internet-dükenge tosqauyl qoidy. Būl turaly IIM baspasöz qyzmetı mälımdedı, dep habarlaidy “Adyrna” ūlttyq portaly.
Jedel-tergeu ıs-şaralaryn jürgızu barysynda joǧaryda atalǧan internet-dükennıŋ operatory jäne kurerı bolǧan Oral qalasynyŋ ekı tūrǧyny ūstaldy. Atyrau, Oral jäne Aqsai qalalarynda olar būryn jasyryp ketken 500-den astam esırtkı oramy tärkılendı.
Aita ketsek, olardyŋ 300-den astamy Atyrauda Jaiyq özenınıŋ jaǧasyndaǧy qoǧamdyq oryndardan tabyldy.
Jyl basynan berı Işkı ıster ministrlıgı internet-dükenderdıŋ 19 ūiymdastyruşysyn, 105 operator men 297 esırtkı jasyruşyny ūstady. Esırtkı qūraldarynyŋ taraluy turaly aqparatty qamtityn 3500 internet-resurs anyqtalyp, būǧattaldy, – dedı QR IIM esırtkı qylmysyna qarsy ıs-qimyl departamentı bastyǧynyŋ orynbasary Sarqytbai Qūsaiynov.Qazırgı taŋda esırtkı dükenın ūiymdastyruşyny anyqtau jäne ony būǧattau boiynşa jūmys jürgızılıp jatyr.
Ūqsas jaŋalyqtar
