ادۆوكات گاۋھار ساريەۆا تالعاردا ۇرلانىپ، كەيىننەن پوليتسەيلەردىڭ كومەگىمەن اناسىنا قايتارىلعان قىز بالانىڭ جاعدايى مەن اتالعان وقيعاعا قاتىستى تىڭ مالىمەتتەرمەن ءبولىستى، دەپ حابارلايدى "ادىرنا"
Instagram-داعى پاراقشاسىنداڭى ۆيدەودا ادۆوكات بالانىڭ جىرتىلعان تىلىنە شاعىن وتا جاسالعانىن ايتادى.
"دارىلەرلەر وتا جاساپ، بالانىڭ ءتىلىن سەگىز جەرىنەن تىككەن. قىلمىسكەر بالانى الىپ قاشقاندا كولىگىمەن بىرگە تاۋدان ۇشىپ كەتكەن. ول بالاعا تيىسپەگەن، سىرىلۋ مەن باسقا دا جاراقاتتار سول كەزدە العان. قىز بالانى پەرىشتەسى قاعىپ تۇر", - دەيدى ساريەۆا ءوزى جۇكتەگەن ۆيدەودا.
ونىڭ ايتۋىنشا، قىزدىڭ اناسى مەدبيكە بولىپ جۇمىس ىستەيدى.
"قايعىلى وقيعا بولعاندا ول ونكولوگيالىق ناۋقاسقا قىزمەت كورسەتۋگە كەتكەن. ياعني، اعاسىن اتىپ، بالاسىن ۇرلاپ كەتكەن دە. ەگەر ول ۇيدە بولعاندا نە بولاتىنىن كوز الدىما دا ەلەستەتە المايمىن. قازىر بالاعا دا، جاس كەلىنشەككە دە پسيحولوگيالىق قولداۋ كەرەك. ول سۋيتسيد الدى جاعدايىنداعى كۇيدى باستان كەشۋدە", - دەيدى ادۆوكات.
