Foto: pixabay.com
Ukraina Reseimen kez kelgen formatta jäne kez kelgen elde kelıssöz jürgızuge daiyn. Onyŋ ışınde Ukraina prezidentı Vladimir Zelenskiidıŋ Resei basşysy Vladimir Putinmen kezdesuı de bar. Būl turaly Zelenskii X äleumettık jelısınde jazdy, dep habarlaidy “Adyrna”.
Onyŋ aituynşa, AQŞ kelesı aptada Ukraina men Amerika delegasiialarynyŋ kezdesuın ötkızudı ūsynǧan.
«Bız kez kelgen jerde jäne kez kelgen formatta: üşjaqty, ekıjaqty, törtjaqty nemese “bes jäne odan da köp” formatynda kelıssöz jürgızuge daiynbyz. Eŋ bastysy – beibıtşılıkke qol jetkızu», – dep jazdy Ukraina prezidentı.
Zelenskii AQŞ-tyŋ Resei prezidentı Vladimir Putinge qysymdy küşeitkenın qalaitynyn atap öttı. Onyŋ pıkırınşe, qysym Kievke emes, Mäskeuge baǧyttaluy kerek. Äitpese, mūndai ūstanym ädıletsız bolmaq.
Sondai-aq Ukraina basşysy Reseimen kelıssöz jürgızu üşın Europanyŋ jeke diplomatiialyq arnasyn qūru qajettıgın aitty. Onyŋ sözınşe, soǧysty toqtatu üşın barlyq mümkındıktı paidalanu qajet.
Būdan bölek, Kiev Türkiia prezidentı Rejep Taiip Erdoǧanmen teŋızdegı qauıpsızdık pen azyq-tülık qauıpsızdıgı mäselelerı boiynşa jeke kelıssöz ötkızudı josparlap otyr. Ukraina tarapy Taiau Şyǧys elderınıŋ ökılderımen de jaǧdaidy talqylamaq.
Zelenskiidıŋ mälımetınşe, AQŞ Ukraina men Reseidıŋ qatysuymen üşjaqty kezdesu ötkızudı qarastyryp jatyr. Kezdesu ötetın yqtimal oryndardyŋ qatarynda Bırıkken Arab Ämırlıkterı men Saud Arabiiasy bar. Sondai-aq kelıssözderdı AQŞ-ta, «Ülken jiyrmalyq» (G20) sammitı kezınde nemese Europa elderınıŋ bırınde ötkızu nūsqasy qarastyryluda.
Alaida Zelenskii äzırge Mäskeu de, Vaşington da mūndai kezdesudıŋ ötetının resmi türde rastaǧan joq ekenın jetkızdı. Onyŋ aituynşa, Europa elderı de osy mäselege qatysty bailanystardy bastady.
