Belgılı jurnalist, qalamger Serık Äbıkenūly qazaq äskerınde bolyp jatqan oqiǧalarǧa qatysty pıkır bıldırdı. Özınıŋ äskeri boryşyn ötegen şaqtaryn eske alyp, qazırgı Otan qorǧauşylardyŋ bır-bırıne körsetken zūlymdyǧyn aşyp jazdy. Onyŋ aituynşa, qazırgı äskerdegı azamattar bır-bırıne etene jaqyn bauyr bolǧannyŋ ornyna, äljuazyna teperış körsetuge daiar. Olar zäbır körseter adamynyŋ basyn jastyqpen qymtap, oryndyqtyŋ jalpaǧymen ūratyn bolǧan. Būl jaily "Adyrna" ūlttyq portaly jazdy.
Äskerdegı bolyp jatqan soraqy jaǧdailarǧa qatysty qalamger pıkır bıldırdı. Aldymen avtor sapta qatar tūryp, Otan aldyndaǧy mındetın adal atqarǧan zamandastaryn eske alady:
- Äsker degen… Bız 90-jyldarda qyzmet ettık. Elge kelsek jūmys joq, ailyq joq, azyq-tülık joq… joq…joq… Sodan janbaǧys qamymen “balapan basyna, tūrymtai tūsyna” bolyp, qoldan kelgen şaruamen ainalysyp kettık. Bırı sauda jasady, bırı mal baqty. Söitıp qyzmettester şaşyrap ketıp, bır-bırımızden köz jazyp edık. Sol jıgıtterdıŋ bırı 30(!) jyldan keiın habarlasyp: Joldas, serjant Sarybaev! Ūmytqan joqsyŋ ba, men qatardaǧy jauynger pälenşeevpın?! dep qarqyldap küledı. Bes-alty azamat tabysqan eken, sodan menı ızdegen. Dos-jaran ızdeu jalǧasyp 20-25 jıgıttı anyqtap, bas qostyq. Ömırı kelte bolǧan azamattardy eske aldyq. Uatsapta top aşyp, äskerdegı qyzyqtardy aityp, u-şumyz. Jas kündegı syilastyq, qūrmettıŋ taǧdyr jolynyŋ bır qaltarysynda qalyp qoimaǧanyna dän razymyz.Jazbasynyŋ şaryqtau şegıne kelgen kezde Serık Äbıkenūly qazırgı äsker qalpynan şoşynyp, ondaǧy "qorlyq pen zorlyqtyŋ" tür-türın jıkteidı.
- Al bügıngı oqiǧalardy estıgende töbe şaşyŋ tık tūrady. Bır oryndyqqa jastyq qoiyp, äljuazdyŋ basyn soǧan saldyryp, üstıne ekınşı jastyq qoiyp, oryndyqtyŋ jalpaǧymen düŋkıldetıp ūratyn, ız qaldyrmaityn aiuandyq qaidan şyǧyp jatyr? Olai taiaq jegen jıgıttıŋ tamyrlary jarylyp miyna qan ūiyp qalady, ne jyndy bolady. Al bügın jūrt jarysa jazyp jatqan jai tıptı sūmdyq, qazaq armiiasynyŋ äbden azǧanyn körsetedı, - dedı jurnalist.Qalamgerdıŋ jazbasyna qatysty pıkır bıldırgenderdıŋ qarasy qalyŋ.
"Bolyp jatqan jaǧdailar äskerdegı ǧana emes, jalpy jastardyŋ tärbiesın körsetıp otyr"; "Armiiany intellektıden jūrdai, öpırem kontarktnik-serjanttar qūrtty-au..."; "Ūryp-soqqandy elestetudıŋ özı qandai qorqynyşty. Mūndai sūmdyqtardy estıgen saiyn tün ūiqym tört bölınedı ǧoi. Är ananyŋ jüregı ai-künnıŋ amanynda osylai parşa-parşa bop jürse, eldıgımızden, tynyştyǧymyzdan ne qaiyr?! Men balamdy äskerge qaitsem jıbermeudıŋ amalyn oilap taŋ atyryp, keş batyryp jürgen jannyŋ bırımın!"; "Bızdıŋ qoǧamdaǧy tärbienıŋ, adamdar arasyndaǧy qarym-qatynastyŋ säl oqşau ortada boi körsetuı" dep jazdy oqyrmandar.
"Adyrna" ūlttyq portaly
Ūqsas jaŋalyqtar
äsker
ata-ana
qazaqstan qaruly küşterı
qazaq
ūlttyq qauıpsızdık
äskeri boryş
ūlttyq qorǧanys
qazaq armiiasy
