Qazaqstan prezident äkımşılıgınıŋ jäne qalalyq mäslihat deputattarynyŋ kelısımı boiynşa Qaraǧandy qalasynyŋ äkımı bolyp Meiram Mūratūly Kojuhov taǧaiyndaldy. Būl turaly Qaraǧandy qalasynyŋ äkımdıgı resmi saitynda jariialady, dep habarlaidy “Adyrna” ūlttyq portaly.
Vedomstvonyŋ mälımetınşe, öŋır basşysy Ermaǧanbet Bölekpaev qalalyq mäslihattyŋ kezekten tys sessiiasyna qatysyp, äkım lauazymyna Meiram Kojuhovtyŋ kandidaturasyn ūsynǧan. Deputattar ony qoldaǧan.
"Meiram Mūratūly köp jyl boiy Qaraǧandyda jūmys ıstedı. Barlyq mäselemen tanys. Eŋ bastysy, qala tūrǧyndary ony jaqsy bıledı. Jinaqtalǧan täjıribe men bılım Meiram Mūratūlyna qalanyŋ äleumettık-ekonomikalyq damuynda özınıŋ äleuetın ıske asyruǧa kömektesedı dep senemın", – deidı oblys äkımı. Sondai-aq Ermaǧanbet Bölekpaev jaŋa äkımnıŋ basty mındetı qaraǧandylyqtardyŋ ömırı üşın qolaily jaǧdai jasau ekenın atap öttı.
Sonymen qatar ol qala basşysyna oblys ortalyǧyn, infraqūrylymdy damytudy jalǧastyru jäne jylytu mausymynyŋ üzdıksız ötuın qamtamasyz etu mındetterın jüktedı. Aita keteiık, Meiram Kojuhov 1972 jyly düniege kelgen. 2001 jyldan bastap memlekettık qyzmette.
Saran mädeniet, jastar saiasaty, sport jäne turizm bölımınıŋ bas mamany, Aqtas kentınıŋ äkımı, Saran qalasy äkımınıŋ orynbasary, Qaraǧandy qalasy Oktiabr audanynyŋ äkımı qyzmetterın atqarǧan. 2022 jyldyŋ säuır aiynan bastap osy taǧaiyndauǧa deiın Qaraǧandy qalasy äkımınıŋ orynbasary bolǧan.
