Иран президенті Масуд Пезешкиан АҚШ пен Израиль жасаған әуе шабуылдары кезінде зардап шеккен жоқ, деп хабарлайды "Адырна" ұлттық порталы.
Бұл туралы ирандық бұқаралық ақпарат құралдары хабарлады.
Жартылай ресми Mehr News Agency агенттігінің мәліметінше, президент әкімшілігіне жақын дереккөз Пезешкианның денсаулығы жақсы екенін және ешқандай қауіп жоқ екенін мәлімдеген.
Бұған дейін таңертең АҚШ пен Израиль күштері Тегеран қаласындағы, оның ішінде президент әкімшілігі орналасқан аудандарға соққы жасағаны хабарланған еді.
Қазіргі уақытта оқиғаға қатысты қосымша мәліметтер нақтыланып жатыр. Сарапшылар аймақтағы жағдайдың ушығуы мүмкін екенін жоққа шығармайды.
Ұқсас жаңалықтар
