Грузиядағы Black Sea Petroleum компаниясына тиесілі жалғыз мұнай өңдеу зауыты Ресей мұнайын өңдеуді толығымен тоқтатып, Түркіменстаннан жеткізілетін шикізатқа көшеді. Бұл туралы Business Media порталы жазды, деп хабарлайды «Адырна» тілшісі.
Зауыттың бас директоры Давид Поцхверияның айтуынша, келесі кезеңде компания Қазақстаннан мұнай жеткізуді де қосуды жоспарлап отыр. Бұл өнімді Еуропа Одағы елдеріне экспорттауға бағыттауға мүмкіндік береді.
«Біз ресейлік мұнайды толықтай Түркіменстан мұнайы мен кейіннен Қазақстан және басқа елдер мұнайы арқылы алмастырамыз. Бұл бізге өнімді Еуропа Одағына экспорттауға мүмкіндік береді», — деді Поцхверия.
Ол шешімнің ресейлік мұнай өнімдерін Еуропалық Одаққа импорттауға қойылған шектеулермен байланысты екенін түсіндірді. Дегенмен, түркімен мұнайы өңделуі үшін Әзербайжан аумағы арқылы транзит мәселелері шешілуі қажет.
«Біз бұл бағытта ұзақ уақыттан бері жұмыс істеп келеміз. Өкінішке қарай, серіктесіміз бен досымыз Әзербайжан аумағы арқылы теміржол транзитін ұйымдастыруда қиындықтар туындады. Бұл Түркіменстан мұнайы туралы келісім бірнеше ай бұрын жасалған, бірақ жеткізілімдер кешігіп жатыр. Дегенмен, жақын арада мәселе шешіледі деп үміттенеміз, сонда біз бұл логистикалық тізбекті іске қосамыз, одан кейін Қазақстан мұнайы да келеді», — деді Поцхверия.
