Фото: Attila Husejnow/www.globallookpress.com
Польшаның Бас прокуратурасы ел президенті Кароль Навроцкий Конституциялық сот судьяларына сот шешімдерін шығаруға кедергі келтіру ісі бойынша куәгер ретінде жауап алуға шақырды. Бұл туралы Бас прокуратураның баспасөз хатшысы Анна Адамяк мәлімдеді.
Прокурор президенттен жауап алуға өзіне қолайлы күн мен орынды белгілеуді сұраған.
Тергеу 2026 жылғы 21 сәуірде Конституциялық соттың екі судьясы берген арыздан кейін басталған. Іс Конституциялық соттың 13 наурызда сайлаған төрт судьясына қатысты. Олар — Марчин Джурда, Кристиан Маркевич, Анна Корвин-Пётровская және Мачей Таборовский.
Прокуратура мәліметінше, бұл судьяларға сот шешімдерін шығаруға құқық берілмеген. Тергеу барысында 40-тан астам куәгерден жауап алынған. Олардың арасында Президент кеңсесі мен Конституциялық сот қызметкерлері бар. Сондай-ақ іске қатысты құжаттар тәркіленген.
Прокуратура президенттен жауап алу істің барлық мән-жайын анықтап, болған жағдайға құқықтық баға беру үшін қажет екенін атап өтті.
Бұған дейін президент кеңсесі Конституциялық сот судьяларын тағайындау рәсіміне күмән келтірген болатын. Президент әкімшілігі бұл ұстанымын құқықтық талдау нәтижелерімен түсіндірген.
Айта кетейік, 13 наурызда Польша Сеймі Конституциялық сотқа алты судья сайлаған. Олардың екеуі Президент сарайында, қалған төртеуі Сеймде ант қабылдаған.
