Португалия құрамасының шабуылшысы Криштиану Роналду күтпеген мәлімдеме жасады. Ол келесі әлем чемпионатына қатысқысы келеді, деп хабарлайды ”Адырна” ұлттық порталы.
Marca мәліметіне қарағанда, 37 жастағы футболшы 2026 жылы АҚШ, Канада және Мексикада өтетін дүниежүзілік додаға баруға ниетті.
Еске салайық, Қатарда өткен әлем чемпионатында Португалия құрамасы сәтсіз өнер көрсеткені белгілі. Криштиану, әсіресе, Лионель Месси бастаған Аргентина құрамасының чемпион атанғанына қапалы. Сол үшін ендігі мақсаты - алдағы чемпионатқа қатысу.
