Алматы облысында 2 қаңтар күні жоғалып кеткен отбасы мүшелері аман-есен табылды, деп хабарлайды “Адырна” тілшісі.
“Республикалық жедел-құтқару жасағы тобы мен Қонаев қаласы жедел-құтқару жасағы бірігіп Бартоғай су қоймасы жағынан Фесенков атындағы Астрофизика институтының обсерваториясына жетпей 40-қа жуық автокөлік табылды. Адамдардың саны анықталуда. Алдын ала мәлімет бойынша зардап шеккендер жоқ. Жоғалып кеткен 7 адамнан тұратын отбасы да сол жерде екен. Көбісінің көлігінде жанармай таусылып қалған. Қазіргі уақытта құтқарушылардың күшімен автокөліктерге жанармай құю және адамдарды машиналарымен колонна арқылы эвакуациялау жұмыстары жүргізілуде”, – делінген хабарламада.Еске салайық, бүтін отбасы 2 қаңтар күні жоғалып кеткен еді. Олар Еңбекшіқазақ ауданы, Шелек ауылынан 80 шақырым жердегі таулы аймақ тұрғындары.
Ұқсас жаңалықтар
