ҚР Парламенті Мәжілісінің депутаты, Заңнама және сот-құқықтық реформа жөніндегі комитет мүшесі Абзал Құспан "Адырнаның" ютуб арнасына сұхбат берді.
Депутаттың сөзінше, елімізде орман тақырыбы күрделі мәселеге айналған.
Қазақстанның орманды жерлері деп тек 4% ғана айтылған. Қалғаны шөлді, далалы жерлер. Орман ол біздің өкпеміз сияқты. Енді сол аз ғана жерді одан сайын азайтуда. Ол жағдай соңғы өрттерге байланысты. Қзаір кейбір деректер бойынша тіпті 3%-ға дейін түсіп кетті деп жатыр. Барды-жоқты орманымызды мына Үкіметте осы кезге дейін өзгермеген бір дүние болды. "Ерекше қорғалатын табиғи аймақты" Үкімет өзінің қарауы бойынша нысаналы өзгертуге құқық беріңіз" деді. Ол дегеніміз орманның тағдырын шешуді әкім мен министрлерге беру деген сөз. Арнайы заң бар. Сол норманы біз мақұлдап берсек Мәжіліс, Парламент бақылау жүргізе алмайды. Қай министр қандай шешім қабылдайтынын, әкімнің не істейтінін біздің бақылауымызда болмайды. Халық оны тіпті бақылай алмайды. Мәседе қайда жатыр?", - деп дабыл қағуда.
Сондай-ақ депутат сұхбат барысында әкімдердің қолында билік босла барынша "қонышынан басып қалғысы" келетінін де жасырмады.
