Қазақстанда скрининг арқылы анықталған қатерлі ісік жағдайлары көбейген

140
Adyrna.kz Telegram
https://www.adyrna.kz/storage/uploads/09ggEXrDsqKmcoF6je8KJ9OkNYTdXPdDXXJ6wKVF.jpg

Фото: ЖИ

Қазақстанда 2026 жылдың алғашқы тоғыз айында скринингтік тексерулер нәтижесінде анықталған қатерлі ісік жағдайларының саны өткен жылдың сәйкес кезеңімен салыстырғанда 62%-ға өсті, деп хабарлайды "Адырна" тілшісі. 

Бұл туралы денсаулық сақтау министрлігі хабарлады.

Министрлік мәліметінше, есепті кезеңде қатерлі ісіктің 3 016 жағдайы анықталған. Ал былтыр осы уақытта 1 862 жағдай тіркелген.

Анықталған аурулардың басым бөлігі сүт безі обырына тиесілі. Бұл диагноз 2 049 әйелден табылған. Көрсеткіш өткен жылмен салыстырғанда 58,5%-ға артқан. Сондай-ақ тоқ ішек пен тік ішек қатерлі ісігінің 590 жағдайы анықталып, өсім 78,8%-ды құрады. Жатыр мойны обырының 377 жағдайы тіркелген. Бұл өткен жылғы көрсеткіштен 57,7%-ға жоғары.

Сонымен қатар ауруды бастапқы кезеңде анықтау үлесі 70,3%-дан 71,6%-ға дейін өскен.

Денсаулық сақтау министрлігінің дерегінше, тоғыз айда онкологиялық скринингтен 3,23 миллионнан астам адам өткен. Бұл тексерілуге жататын халықтың 57,1%-ын құрайды.

Қазір Қазақстанның 20 өңірінде скрининг жүргізудің орталықтандырылған жүйесі жұмыс істейді. Қатерлі ісікке күдік туындаған науқастар үшін қосымша диагностикалық тексерулерден жедел өту тәртібі қарастырылған.

댓글
기타 기사