Өскемен қаласында 17 жастағы бойжеткен өз-өзіне қол жұмсады. Бұл туралы қалалық прокуратураның баспасөз қызметі жазды, деп хабарлайды «Адырна» тілшісі.
Жасөспірім суицид жасар алдында жазба қалдырған.
«Марқұм толық емес отбасынан шыққан. Алдын ала дерек бойынша оның суицидке баруына жауапсыз махаббат себеп болған», - делінген ақпаратта.
Айта кетейік, елімізде жасөспірімдер арасында өз-өзіне қол жұмсау әрекеттері көбейіп кетті. Ресми мәліметтерге сүйенсек, жыл басынан бері кәмелеттік жасқа толмаған 22 адам суицид жасамақ болған.
