وسكەمەن قالاسىندا 17 جاستاعى بويجەتكەن ءوز-وزىنە قول جۇمسادى. بۇل تۋرالى قالالىق پروكۋراتۋرانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
ءجاسوسپىرىم سۋيتسيد جاسار الدىندا جازبا قالدىرعان.
«مارقۇم تولىق ەمەس وتباسىنان شىققان. الدىن الا دەرەك بويىنشا ونىڭ سۋيتسيدكە بارۋىنا جاۋاپسىز ماحاببات سەبەپ بولعان»، - دەلىنگەن اقپاراتتا.
ايتا كەتەيىك، ەلىمىزدە جاسوسپىرىمدەر اراسىندا ءوز-وزىنە قول جۇمساۋ ارەكەتتەرى كوبەيىپ كەتتى. رەسمي مالىمەتتەرگە سۇيەنسەك، جىل باسىنان بەرى كامەلەتتىك جاسقا تولماعان 22 ادام سۋيتسيد جاساماق بولعان.
