2025 جىلدىڭ 15–16 جەلتوقسانىندا تاڭداۋلى ەكونوميستتەر وداعىنىڭ جوعارى پىكىرسايىس مەكتەبى (تەو جپم) تاۋەلسىزدىك كۇنىنە ارنالعان ءداستۇرلى ICE SCREAM XII رەسپۋبليكالىق پىكىرسايىس ءتۋرنيرىن وتكىزەدى.
تاڭداۋلى ەكونوميستتەر وداعى بۇگىنگى تاڭدا رەسپۋبليكامىزداعى ەڭ تانىمال پىكىرسايىس مەكتەپتەرىنىڭ ءبىرى رەتىندە جاستاردىڭ ويلاۋ قابىلەتىن، كوشباسشىلىق داعدىلارىن جانە ازاماتتىق بەلسەندىلىگىن دامىتۋدا ۇلكەن ءرول اتقارىپ كەلەدى.2004 جىلدان بەرى جۇمىس ىستەپ كەلە جاتقان ۇيىم تالاي مىقتى پىكىرسايىسشىنى، قوعام دامۋىنا ۇلەس قوسىپ جۇرگەن جاڭا بۋىن كوشباسشىلارىن تاربيەلەدى. ۇيىمنىڭ ۇزدىك جوبالارىنىن ءبىرى وسى - ۇزاق جىلدار بويى ۇيىمداستىرىلىپ كەلە جاتقان ICE SCREAM XII ءتۋرنيرى.
ICE SCREAM ءتۋرنيرى — قازاقستانداعى ەڭ اۋقىمدى پىكىرسايىس دوداسىنىن ءبىرى. اۋقىمدى ينتەللەكتۋالدى دودا الماتى قالاسىنداعى نارحوز ۋنيۆەرسيتەتىنىڭ قولداۋىمەن ۇيىمداستىرىلادى. بۇل — ەلدەگى ەڭ بەلسەندى، بىلىمگە قۇشتار جانە شەشەندىككە بەيىم جاستار باس قوساتىن ماڭىزدى پىكىرسايىس الاڭى.پىكىرسايىس - جاس تالانتتاردىڭ ينتەللەكتۋالدى الەۋەتىن اشۋعا، وي ەركىندىگىن دامىتۋعا جانە ءبىلىمدى، بەلسەندى جاستاردىڭ جاڭا بۋىنىن قالىپتاستىرۋعا باعىتتالعان باعىت. بۇل ءتۋرنيردىڭ ناتيجەسىندە جاڭا قاتىسۋشىلار تارتىلىپ، ۋنيۆەرسيتەت ىشىندە دەبات مادەنيەتى داميدى، اكادەميالىق ورتاعا قوسىمشا ۇلەس قوسىلادى. سونىمەن قاتار، ۋنيۆەرسيتەتتىڭ وزىندىك برەندى مەن ءيميدجىن نىعايتادى، ال قاتىسۋشىلار ءۇشىن تاجىريبە جيناۋ مەن داعدىلارىن جەتىلدىرۋ الاڭى بولىپ تابىلادى.
ICE SCREAM XII — ۇلتتىق دەڭگەيدەگى 12 جىلدىق ءداستۇر.
تۋرنير پىكىرسايىسقا ەندى قادام باسىپ، بەت بۇرعان قاتىسۋشىلاردىڭ اراسىنداعى دودا بولماق. ويىننىڭ ءوتۋ فورماتتارى كەلەسىدەي: امەريكالىق پارلامەنتتىك فورمات (اپف) جانە لينكولن-دۋگلاس (لد).
پىكىرسايىستا قامتىلاتىن نەگىزگى تاقىرىپتار:
–حالىقارالىق قاتىناستار جانە قاۋىپسىزدىك;
–تۇرعىن ءۇي جانە الەۋمەتتىك ساياسات:
–ۇلتتىق دامۋ باعدارلارى;
–ەكونوميكالىق مودەلدەر.
بۇل باعىتتار جاس پىكىرسايىسشىلارعا تەرەڭ تالداۋ جاساۋعا، دالەلدى وي ايتۋعا جانە كۇردەلى ماسەلەلەرگە جاڭاشا كوزقاراس قالىپتاستىرۋعا مۇمكىندىك بەرەدى.
بيىلعى دوداعا:
- 80 كوماندا،
- 120-دان استام پىكىرسايىسشى،
- 600-گە جۋىق كورەرمەن جينالادى دەپ كۇتىلۋدە.
قازاقستاننىڭ ءارتۇرلى وڭىرلەرىنەن — تاراز، شىمكەنت، الماتى وبلىسى، تالدىقورعان، اقتوبە، قىزىلوردا قالالارىنان كەلگەن جاس پىكىرسايىسشىلار ەكى كۇن بويى ايتىس-تارتىسى مول وي دوداسىندا باق سىنايدى.
تەو CUP XIV تۋرنيرىندە كۇتىلەتىن قوناقتار:
- ماقسات حالىق – SANA FOUNDATION قوعامدىق قورىنىڭ، SANA BUSINESS ACADEMY توراعاسى;
- ەربولات مۇحامەدجان – قر پرەزيدەنتى تەلەراديوكەشەنى ديرەكتورىنىڭ كومەكشىسى، ەكونوميست، جۋرناليست جانە قوعام قايراتكەرى;
- نۇرماحانوۆ ەركەبۇلان-قر قارجى مينيسترلىگى IMAK كامەرالدىق باقىلاۋ باسقارماسىنىڭ باسشىسى.
تۋرنير جاستارعا:
–جاڭا يدەيالارمەن بولىسۋگە،
–ۇلتتىق دەڭگەيدە تاجىريبە جيناۋعا،
–قوعامداعى وزەكتى ماسەلەلەردى تالقىلاۋعا،
–پىكىرتالاس جانە كوشباسشىلىق داعدىلارىن دامىتۋعا كوپ مۇمكىندىك بەرەدى.
تەو جپم پرەزيدەنتى سۇلتان قازبەكبي پىكىرىنشە: تەو جپم پرەزيدەنتى سۇلتان قازبەكبي پىكىرىنشە: «ICE SCREAM XII ءتۋرنيرى — جاس پىكىرسايىسشىلاردىڭ ءبىر الاڭعا جينالىپ، ءوز وي-ءورىسىن كەڭەيتىپ، وزەكتى تاقىرىپتاردى تالقىعا سالاتىن ەڭ ماڭىزدى رەسپۋبليكالىق ءتۋرنيردىڭ ءبىرى. ءبىز بۇل تۋرنيرگە ءبىر اي بۇرىن دايىندىقتى باستاپ، ءار دەتالدى جوعارى دەڭگەيدە ۇيىمداستىرۋعا ەرەكشە كوڭىل بولدىك. بيىلعى دودانى تاۋەلسىزدىك كۇنىنە ورايلاستىرىپ وتكىزۋ — جاستاردىڭ ازاماتتىق ساناسىن كۇشەيتىپ، مەملەكەت تاريحىنىڭ ءمانىن تەرەڭ تۇسىندىرۋگە باعىتتالعان ماڭىزدى قادام. پىكىرسايىس — ەركىن ويلايتىن، دالەلمەن سويلەيتىن، ەل بولاشاعىنا بەي-جاي قارامايتىن جاڭا بۋىندى قالىپتاستىراتىن كۇش. سوندىقتان ICE SCREAM XII ەلىمىزدىڭ پىكىرسايىس مادەنيەتىنە جاڭا سەرپىن بەرەتىن ەرەكشە شارا بولادى دەپ سەنەمىن».
كۇنى: 15-16 جەلتوقسان 2025 جىل.
ۋاقىتى: 9:30
وتەتىن ورنى: جاندوسوۆ كوشەسى 55, نارحوز ۋنيۆەرسيتەتى
