كسرو سپورت شەبەرى بالامۇرات سۇلتانبايۇلى اقشاباەۆتى ەسكە الۋعا ارنالعان ءحىىى حالىقارالىق تۋرنير ءوتتى. جارىستا ەلىمىزدىڭ 10 ءوڭىرى مەن ءازىربايجان ەلىنەن كەلگەن 400-گە جۋىق سپورتشى باق سىنادى.
دزيۋدودون 2006-2007 جانە 2008-2010 جىلى تۋعان ءجاسوسپىرىم ۇلدار مەن قىزدار اراسىندا وتكەن اتالمىش دوداعا "جاس باتىر" سپورت مەكتەبىنەن 50 دزيۋدشى قاتىستى.
15-16 جاستاعى ۇلدار مەن قىزدار اراسىنداعى باسەكەدە "جاس باتىر" مەكتەبىنىڭ دزيۋدوشىلارى 8 سالماق دارەجەسى بويىنشا جۇلدەلى ورىندارعا يە بولدى.
ال، 12-14 جاستاعى سپورتشىلار اراسىندا ۇلدار 9 سالماق، قىزدار 7 سالماق دارەجەسىندە ناتيجەلى ورىنداردان كورىندى.
"جىل سايىن جارىسقا قاتىسۋشىلاردىڭ سانى ارتىپ كەلە جاتىر. دزيۋدوعا قىزىعاتىن بالالار وتە كوپ. نەگىزگى ماقساتىمىز بۇقارالىق سپورتتى دامىتىپ، سالاۋاتتى ءومىر سالتىن ناسيحاتتاۋ. وسى جارىسقا قاتىسقان دزيۋدوشىلارىمىز ءالى تالاي جەتىستىككە جەتىپ، وليمپيادا چەمپيونى اتانىپ، كوك تۋىمىزدى كوكتە جەلبىرەتەتىنىنە سەنەمىز", - دەيدى "جاس باتىر"سپورت مەكتەبىنىڭ باسشىسى ماناربەك بيسەكەنوۆ.
"ادىرنا" ۇلتتىق پورتالى
