اقتاۋ قالاسىندا 80-گە جۋىق ءجاسوسپىرىم جاپپاي توبەلەس شىعارعان. وبلىستىق پوليتسيا دەپارتامەنتىنىڭ مالىمەتىنشە، سوتقا دەيىنگى تەرگەۋ باستالىپ، التى ءجاسوسپىرىم ۋاقىتشا ۇستاۋ يزولياتورىنا قامالدى. بۇل تۋرالى لادا.كز جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سۇيەنسەك، جاپپاي توبەلەستەن كەيىن 80-گە جۋىق ءجاسوسپىرىم پوليتسياعا جەتكىزىلدى، ولاردىڭ التاۋى ۋاقىتشا ۇستاۋ يزولياتورىنا قامالعان.
وقيعا ورنىنا پوليتسيا قىزمەتكەرلەرىنەن قۇرالعان جاساق كەلىپ، 15 پەن 18 جاس ارالىعىنداعى 76 ادام اقتاۋ قالالىق پوليتسيا بولىمىنە جەتكىزىلدى. كامەلەتكە تولماعان 56 بالانىڭ اتا-اناسىنا قاتىستى قر اقبتك-ءنىڭ 442-بابى (ساعات 23.00-دەن كەيىن كامەلەتكە تولماعانداردى زاڭدى وكىلدەرىنىڭ ەرىپ ءجۇرۋىنسىز كوشەدە تابۋ) بويىنشا اكىمشىلىك حاتتامالار تولتىرىلدى. سونداي-اق قر قىلمىستىق كودەكسىنىڭ 293-بابى (بۇزاقىلىق) بويىنشا قىلمىستىق ءىس قوزعالىپ، التى ءجاسوسپىرىم ۋاقىتشا ۇستاۋ يزولياتورىنا قامالدى، – دەدى ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتى.
