تالدىقورعان پوليتسياسىنىڭ باسشىسى گەنەرال مارات كۇشتىباەۆ “ايەل زورلادى” دەگەن كۇدىكپەن ۇستالدى. ونىڭ ۇستالعانى جونىندە جەتىسۋ وبلىستىق ىشكى ىستەر دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
«قالالىق پوليتسيا باستىعى وبلىس ورتالىعىنىڭ 27 جاستاعى تۇرعىنىن زورلادى دەگەن كۇدىكپەن ۋاقىتشا ۇستاۋ يزولياتورىنا قامالدى. قىلمىستىق ءىس «لاۋازىمدى تۇلعانىڭ مىندەتىن اتقارۋ كەزىندە زورلىق كورسەتۋى» بابى بويىنشا تەرگەلىپ جاتىر»، - دەلىنگەن حابارلامادا.
ىشكى ىستەر مينيسترلىگىنىڭ ورتالىق اپپاراتى تەرگەۋدى “ەرەكشە باقىلاۋعا” العانىن حابارلادى.
