اقتوبەدە قوراپتىڭ ىشىنەن نارەستەنىڭ ءمايىتى تابىلدى

2759
Adyrna.kz Telegram
فوتو: 24.kz
فوتو: 24.kz
اقتوبە قالاسىندا قوراپقا سالىنعان نارەستەنىڭ ءمايىتى تابىلدى. بۇل تۋرالى ىشكى ىستەر مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
19 جەلتوقسان كۇنى ساعات 22:05-تە پوليتسياعا جۇبانوۆا كوشەسىندەگى كوپقاباتتى ءۇيدىڭ جانىنان قاعاز قوراپقا سالىنعان بالانىڭ ءولى دەنەسى تابىلعانى تۋرالى حابار تۇسكەن.
وقيعا ورنىنا بىردەن جەدەل-تەرگەۋ توبى باردى. سول جەردە جاڭا تۋعان ەر بالانىڭ ءمايىتىن انىقتادى.
“قازىرگى كەزدە قىلمىستىق كودەكستىڭ 100-بابى (انانىڭ جاڭا تۋعان بالانى ءولتىرۋى) بويىنشا سوتقا دەيىنگى تەرگەۋ شارالارى باستالدى.
سوت-مەديتسينالىق ساراپتاما تاعايىندالدى. انانىڭ جەكە باسىن انىقتاۋ ءۇشىن جەدەل ءىس-شارالار جۇرگىزىلىپ جاتىر”،- دەلىنگەن حابارلامادا.
پىكىرلەر