اقتوبەدە جۇك كولىگىنىڭ 34 جاستاعى جۇرگىزۋشىسى ونداعى تاۋاردى ءوزى يەمدەنۋ ءۇشىن كولىگىن قاساقانا ورتەپ جىبەرگەن. بۇل تۋرالى اقتوبە وبلىستىق پد ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، ول جەلتوقساننىڭ سوڭىندا الماتىدان رەسەيگە دەيىن تاۋار تيەپ العان. كەيىن اقتوبەگە كەلگەندە تاۋاردىڭ 70 پايىزىن تۋىسقانىنىڭ ۇيىنە ءتۇسىرىپتى. سوسىن توناۋدى جاسىرۋ ءۇشىن كولىكتى ورتەپ جىبەرگەن. وندا ەلەكترونيكا، ۇيالى تەلەفوننىڭ كەرەك-جاراعى، اۆتوموگنيتولا بولعان. ءوزى جالعا العان كولىك تاۋارىمەن قوسا ورتەنىپ كەتتى دەپ جالتارماق بولعان جوسپارى ىسكە اسپاي قالدى.
“تاۋار يەسى جۇك كولىگىندە جالپى سوماسى 146 ميلليون تەڭگەنىڭ زاتى بار ەكەنىن تۇسىندىرگەن. وسى فاكتى قر قك-ءنىڭ 190-بابى 4-بولىگىمەن («الاياقتىق») بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. كۇدىكتى قاماۋعا الىندى”، - دەدى اقتوبە وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
