Aqtau qalasynda 80-ge juyq jasöspırım jappai töbeles şyǧarǧan. Oblystyq polisiia departamentınıŋ mälımetınşe, sotqa deiıngı tergeu bastalyp, alty jasöspırım uaqytşa ūstau izoliatoryna qamaldy. Būl turaly Lada.kz jariialady, dep habarlaidy “Adyrna” ūlttyq portaly.
Aqparatqa süiensek, jappai töbelesten keiın 80-ge juyq jasöspırım polisiiaǧa jetkızıldı, olardyŋ altauy uaqytşa ūstau izoliatoryna qamalǧan.
Oqiǧa ornyna polisiia qyzmetkerlerınen qūralǧan jasaq kelıp, 15 pen 18 jas aralyǧyndaǧy 76 adam Aqtau qalalyq polisiia bölımıne jetkızıldı. Kämeletke tolmaǧan 56 balanyŋ ata-anasyna qatysty QR ÄQBtK-nıŋ 442-baby (Saǧat 23.00-den keiın kämeletke tolmaǧandardy zaŋdy ökılderınıŋ erıp jüruınsız köşede tabu) boiynşa äkımşılık hattamalar toltyryldy. Sondai-aq QR Qylmystyq kodeksınıŋ 293-baby (būzaqylyq) boiynşa qylmystyq ıs qozǧalyp, alty jasöspırım uaqytşa ūstau izoliatoryna qamaldy, – dedı Maŋǧystau oblystyq polisiia departamentınıŋ baspasöz qyzmetı.
