شىمكەنتتە پوليتسيا قىزمەتكەرى ۇستالدى، دەپ حابارلايدى "ادىرنا" ءتىلشىسى.
پاترۋلدىك پولك قىزمەتىنىڭ روتا كومانديرى ازامات ايىمبەتوۆكە قاتىستى قىلمىستىق ءىس قوزعالعان. ول سوت سانكتسياسىمەن قاماۋعا الىنىپ، ۋاقىتشا ۇستاۋ يزولياتورىنا قامالدى.
شىمكەنت سوتى ايىمبەتوۆتى 21 ناۋرىزدا ۇستاعان. ۆەدومستۆو ءباسپاسوز قىزمەتىنىڭ حابارلاۋىنشا، پوليتسەيدىڭ ۇستىنەن جەرگىلىكتى تۇرعىنداردان بوپسالاۋ تۋرالى ارىز تۇسكەن.
شىمكەنت قالالىق مامانداندىرىلعان تەرگەۋ سوتىنىڭ ءباسپاسوز قىزمەتى كۇدىكتى ازامات ايىمبەتوۆكە قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسى تاعايىندالعانىن حابارلادى.
"سوتقا دەيىنگى تەرگەپ-تەكسەرۋدىڭ قالعان دەرەكتەرى قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنىڭ تالاپتارىنا سايكەس جاريا ەتىلمەيدى", - دەلىنگەن ۆەدومستۆو حابارلاماسىندا.
ۇقساس جاڭالىقتار
