"Әкеге сағыныш": Түрмедегі экс облыс әкіміне арнап балалары ән салды (ВИДЕО)

8978

Қазір түрмеде отырған Қызылорда облысының бұрынғы әкімі Қуанышбек Ысқақовтың ұл-қыздары айтқан ән желідегі жұрттың жүрегін елжіретті, деп хабарлайды "Адырна" ұлттық порталы. Бейнежазбаны Қуанышбек Ысқақовтың қызы Айдана Досмайылова өз фб әлеуметтік парақшасына жариялап, "жүрегіміздегі үміт оты әлі де лаулап жанып тұр, сол лаулап тұрған жалын өмірімізге жарық пен жылу беруде" - деп жазды.

- Сағыныштан сарғайған көңілімізге күш беретін тек осы жақсыға деген өшпеген үміт пен әділдікке деген сенім. Біз біргеміз! Әділдіктің ақ туы желбірейтін күніміз жақын, болашағымыз жарқын болғай! — деді Қуанышбек Ысқақовтың қызы.

"Түбі әділдік жеңер", "Әділдік туы көтерілуде. Сағыныштарыңыз басатын отбастарыңызға биік таудай болған папаларыңыз оралуына тілектеспіз!, "Үміттерің үзілмесін! Сенімдерің өшпесін! Аллаһтың қалауымен әділдіктің ақ таңы атып, сүйіншілейтін күн де болар!" - деп пікір қалдырды желі қолданушылары.

Естеріңізге сала кетейік, Қызылорда облысының бұрынғы әкімі Қуанышбек Ысқақов 2020 жылы Арыстағы жарылысқа жиналған қордан 80 миллион теңге жымқырды деген айыппен 7 жылға сотталған болатын.

"Адырна" ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket