"اكەگە ساعىنىش": تۇرمەدەگى ەكس وبلىس اكىمىنە ارناپ بالالارى ءان سالدى (ۆيدەو)

10685
Adyrna.kz Telegram

قازىر تۇرمەدە وتىرعان قىزىلوردا وبلىسىنىڭ بۇرىنعى اكىمى قۋانىشبەك ىسقاقوۆتىڭ ۇل-قىزدارى ايتقان ءان جەلىدەگى جۇرتتىڭ جۇرەگىن ەلجىرەتتى، دەپ حابارلايدى "ادىرنا" ۇلتتىق پورتالى. بەينەجازبانى قۋانىشبەك ىسقاقوۆتىڭ قىزى ايدانا دوسمايىلوۆا ءوز فب الەۋمەتتىك پاراقشاسىنا جاريالاپ، "جۇرەگىمىزدەگى ءۇمىت وتى ءالى دە لاۋلاپ جانىپ تۇر، سول لاۋلاپ تۇرعان جالىن ومىرىمىزگە جارىق پەن جىلۋ بەرۋدە" - دەپ جازدى.

- ساعىنىشتان سارعايعان كوڭىلىمىزگە كۇش بەرەتىن تەك وسى جاقسىعا دەگەن وشپەگەن ءۇمىت پەن ادىلدىككە دەگەن سەنىم. ءبىز بىرگەمىز! ادىلدىكتىڭ اق تۋى جەلبىرەيتىن كۇنىمىز جاقىن، بولاشاعىمىز جارقىن بولعاي! — دەدى قۋانىشبەك ىسقاقوۆتىڭ قىزى.

ء"تۇبى ادىلدىك جەڭەر", "ادىلدىك تۋى كوتەرىلۋدە. ساعىنىشتارىڭىز باساتىن وتباستارىڭىزعا بيىك تاۋداي بولعان پاپالارىڭىز ورالۋىنا تىلەكتەسپىز!، "ۇمىتتەرىڭ ۇزىلمەسىن! سەنىمدەرىڭ وشپەسىن! اللاھتىڭ قالاۋىمەن ادىلدىكتىڭ اق تاڭى اتىپ، سۇيىنشىلەيتىن كۇن دە بولار!" - دەپ پىكىر قالدىردى جەلى قولدانۋشىلارى.

ەستەرىڭىزگە سالا كەتەيىك، قىزىلوردا وبلىسىنىڭ بۇرىنعى اكىمى قۋانىشبەك ىسقاقوۆ 2020 جىلى ارىستاعى جارىلىسقا جينالعان قوردان 80 ميلليون تەڭگە جىمقىردى دەگەن ايىپپەن 7 جىلعا سوتتالعان بولاتىن.

"ادىرنا" ۇلتتىق پورتالى

پىكىرلەر