Алматы-Петропавл бағытындағы жолаушылар пойызынан өрт шықты

475
Фото: видеодан алынды
Фото: видеодан алынды

Бүгін техникалық себептерге байланысты "Астана-Петропавл" учаскесінде №105 "Алматы-Петропавл" пойызы жөнелтілмейді. Өйткені, жолаушылар пойызында өрт шықты. Бұл туралы "Қазақстан темір жолы" ҰК" АҚ баспасөз қызметі мәлімдеді, деп хабарлайды “Адырна” ұлттық порталы.

2022 жылдың 21 қыркүйегінде сағат 04.27-де "Алматы-Петропавл" бағытындағы № 105 жолаушылар пойызы техникалық вагонның ақауына байланысты "Қарағанды-Астана" учаскесінде шұғыл аялдама жасады.

Ақпаратқа сәйкес, пойызда 184 жолаушы болған. Қаза болғандар мен зардап шеккендер жоқ.

Жолаушылар "Мырза – Шоқай" аралығынан Астанаға дейін жетіп алуы үшін №3/4  "Алматы – Нұр-Сұлтан – Нұрлы жол" (Тальго) пойызына отырғызылады.

Бурабай курорты, Көкшетау және Петропавл станцияларына бағыт алғандар үшін Астана станциясынан Петропавл станциясына дейін  жеке құрам ұйымдастырылды.

Тексеру жүргізу үшін "ҚТЖ" ҰК" АҚ комиссиясы құрылды.

”Адырна” ұлттық порталы 

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket