الماتى-پەتروپاۆل باعىتىنداعى جولاۋشىلار پويىزىنان ءورت شىقتى

1719
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

بۇگىن تەحنيكالىق سەبەپتەرگە بايلانىستى "استانا-پەتروپاۆل" ۋچاسكەسىندە №105 "الماتى-پەتروپاۆل" پويىزى جونەلتىلمەيدى. ويتكەنى، جولاۋشىلار پويىزىندا ءورت شىقتى. بۇل تۋرالى "قازاقستان تەمىر جولى" ۇك" اق ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.

2022 جىلدىڭ 21 قىركۇيەگىندە ساعات 04.27-دە "الماتى-پەتروپاۆل" باعىتىنداعى № 105 جولاۋشىلار پويىزى تەحنيكالىق ۆاگوننىڭ اقاۋىنا بايلانىستى "قاراعاندى-استانا" ۋچاسكەسىندە شۇعىل ايالداما جاسادى.

اقپاراتقا سايكەس، پويىزدا 184 جولاۋشى بولعان. قازا بولعاندار مەن زارداپ شەككەندەر جوق.

جولاۋشىلار "مىرزا – شوقاي" ارالىعىنان استاناعا دەيىن جەتىپ الۋى ءۇشىن №3/4  "الماتى – نۇر-سۇلتان – نۇرلى جول" (تالگو) پويىزىنا وتىرعىزىلادى.

بۋراباي كۋرورتى، كوكشەتاۋ جانە پەتروپاۆل ستانتسيالارىنا باعىت العاندار ءۇشىن استانا ستانتسياسىنان پەتروپاۆل ستانتسياسىنا دەيىن  جەكە قۇرام ۇيىمداستىرىلدى.

تەكسەرۋ جۇرگىزۋ ءۇشىن "قتج" ۇك" اق كوميسسياسى قۇرىلدى.

”ادىرنا” ۇلتتىق پورتالى 

پىكىرلەر