Астанаға 2 тамыз күні Ауғанстанның өнеркәсіп және сауда министрі Нуриддин Азизи бастаған 210 адамнан тұратын бизнес-делегация келді. Бұл туралы Үкіметтің баспасөз қызметі мәлімдеді, деп хабарлайды “Адырна” ұлттық порталы.
Мәлімет бойынша, делегацияны әуежайда премьер-министрдің орынбасары – сауда және интеграция министрі Серік Жұманғарин күтіп алды.
2 тамызда Қазақстан және Ауғанстан компанияларының презентациялары, B2B келіссөздері өтті.
Ал 3 тамызда бизнес-форум жұмысын бастайды, ал 4 тамызда елорда тұрғындары мен қонақтарына ауған тауарларының көрмесі (EXPO, Конгресс-орталық) ашылады.
Сондай-ақ, көрмеде Ауғанстаннан түрлі азық-түлік, мыс ыдыстар, мәрмәр, кілемдер, зергерлік бұйымдар және басқа да көптеген тауарлар ұсынылады.