استاناعا 2 تامىز كۇنى اۋعانستاننىڭ ونەركاسىپ جانە ساۋدا ءمينيسترى نۋريددين ازيزي باستاعان 210 ادامنان تۇراتىن بيزنەس-دەلەگاتسيا كەلدى. بۇل تۋرالى ۇكىمەتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، دەلەگاتسيانى اۋەجايدا پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين كۇتىپ الدى.
2 تامىزدا قازاقستان جانە اۋعانستان كومپانيالارىنىڭ پرەزەنتاتسيالارى، B2B كەلىسسوزدەرى ءوتتى.
ال 3 تامىزدا بيزنەس-فورۋم جۇمىسىن باستايدى، ال 4 تامىزدا ەلوردا تۇرعىندارى مەن قوناقتارىنا اۋعان تاۋارلارىنىڭ كورمەسى (EXPO, كونگرەسس-ورتالىق) اشىلادى.
سونداي-اق، كورمەدە اۋعانستاننان ءتۇرلى ازىق-تۇلىك، مىس ىدىستار، ءمارمار، كىلەمدەر، زەرگەرلىك بۇيىمدار جانە باسقا دا كوپتەگەن تاۋارلار ۇسىنىلادى.
