اقمولا وبلىسىندا سۋعا تۇسۋگە تىيىم سالىنعان اۋماقتا شومىلعان 39 جاستاعى ەر ادام كوز جۇمدى، دەپ حابارلايدى "ادىرنا" ءتىلشىسى.
وبلىستىق تجد مالىمەتىنشە، قايعىلى وقيعا 26 ماۋسىم كۇنى تسەلينوگراد اۋدانىنداعى قوياندى سۋ قويماسىندا بولعان.
الدىن الا مالىمەت بويىنشا، 1987 جىلى تۋعان ەر ادام دوستارىمەن بىرگە دەمالىپ جۇرگەن. كۋاگەرلەردىڭ ايتۋىنشا، ول ماس كۇيدە بولعان جانە شومىلۋعا تىيىم سالىنعان جەردە سۋعا تۇسكەن.
ءجۇزۋ كەزىندە ەر ادام سۋعا باتىپ كەتكەن. وقيعا ورنىندا بولعاندار ونى ءوز كۇشتەرىمەن تابا الماعان. مارقۇمنىڭ دەنەسىن استانا قالاسىنان كەلگەن قۇتقارۋشى-سۇڭگۋىرلەر سۋدان الىپ شىقتى.
توتەنشە جاعدايلار قىزمەتى ازاماتتاردى سۋ ايدىندارىندا قاۋىپسىزدىك ەرەجەلەرىن قاتاڭ ساقتاۋعا، تىيىم سالىنعان ورىنداردا شومىلماۋعا جانە الكوگولدىك ىشىمدىك ىشكەننەن كەيىن سۋعا تۇسپەۋگە شاقىردى.
