تانىمال ءانشى نۇرلان ونەرباەۆ بۇعان دەيىن ەكس-پرەزيدەنت نۇرسۇلتان نازارباەۆتىڭ كەشتەرىن جۇرگىزگەنىن ايتتى. ونەر يەسى ول وتباسىعا دەگەن قازىرگى كوزقاراسىن «بىلگەن ءدۇرىس» باعدارلاماسىندا ءبىلدىردى، دەپ حابارلايدى "ادىرنا" پورتالى.
«مەن ونىڭ ءىس-شارالارىندا ونەر كورسەتتىم، ول مەنىڭ شىعارماشىلىعىمدى جوعارى باعالادى. ول كەزدە مەنى پرەزيدەنت قاتىسقان بارلىق مەملەكەتتىك شارالارعا شاقىراتىن. شالعاي وبلىستاردا كونتسەرت بەرسەم دە، تاۋىپ الىپ، الىپ كەتەتىن. ونىڭ تۋعان كۇندەرى مەن مەرەيتويلارىن ۇيىمداستىردىم، ۇنەمى سوندا بولدىم»، - دەپ ءبولىستى ونەر يەسى.
سونداي-اق ونەرباەۆ بۇرىنعى پرەزيدەنتكە دەگەن كوزقاراسىنىڭ وزگەرگەنىن اتاپ ءوتتى.
«ارينە، مەنىڭ ءوز كوزقاراسىم جانە ماعان سايكەس كەلمەيتىن كەيبىر تۇستارى بار. ونىڭ وتباسى تۋرالى اڭگىمەلەردىڭ 80-90 پايىزى شىندىق ەكەنىنە سەنىمدىمىن. وسى ورتادا بولىپ، سولاردىڭ شارالارىنا قاتىسىپ جۇرگەنىمدە نيەتىم تازا بولاتىن. مەن بۇل ادامدار مەن وسى ورتانىڭ ەل مۇددەسى ءۇشىن جۇمىس ىستەپ جاتقانىنا سەندىم. مەندە باسقا اقپارات بولعان جوق. ەندى كوپ نارسە انىق بولا باستادى، الدانىپ قالعانىما وكىنەمىن. مەن ەشكىم تۋرالى جامان ءسوز ايتقىم كەلمەيدى. مەن سەندىم، قاسىندا بولدىم، ونىڭ كوپتەگەن كەشتەرىنە قاتىستىم، تىم كوپ بولدىم دەسەم دە بولادى»، - دەپ اتاپ ءوتتى نۇرلان ونەرباەۆ.
ەسكە سالا كەتەيىك، بۇعان دەيىن كۇيشى ءشامىل ءابىلتاي نۇرسۇلتان نازارباەۆقا ارناپ، "ەلباسى" كۇيىن شىعارعان بولاتىن. الايدا ول كىسىگە رەنجىگەندىكتەن كۇيدى ورتەپ جىبەرگەنىن ايتادى. ەسەسىنە "قاڭتار قىرعىنىنان" كەيىن توقاەۆقا ارناپ جاڭا كۇي شىعارعان.
