ۋكراينالىق تۇرعىن ەلدىڭ ءۇشىنشى پرەزيدەنتى ۆيكتور يۋششەنكونى كيەۆتەگى بازاردا بايقاپ قالدى، دەپ حابارلايدى "ادىرنا" ۇلتتىق پورتالى فوكۋسقا سىلتەپ.
72 جاستاعى ەكس-پرەزيدەنت ماندارين ساتىپ، ساتۋشىمەن اڭگىمەلەسىپ تۇرعان ساتتە كەزدەسكەن.
كەزدەسكەن ۋكراينالىق ايەل ليۋدميلا ارحاروۆا ءوز تاجىريبەسىمەن Threads جەلىسىندە ءبولىستى. ول ۆيكتور يۋششەنكونى كۇزەتسىز، جەكە ءوزى جۇرگەنىن كورگەن.
ساياساتكەر ساتۋشىمەن اڭگىمەلەسىپ، كەڭەستەرىن بەرگەن، ءتىپتى كەزدەيسوق تانىسقان ايەلگە ماندارين ساتىپ الۋعا كەڭەس ەتكەن.
الەۋمەتتىك جەلىدە قولدانۋشىلار يۋششەنكونىڭ بۇرىنعى قىزمەتىن ەسكە الىپ، ونىڭ ۋكراينا تاريحىندا ەلەۋلى ءرول اتقارعانىن اتاپ ءوتتى. سونىمەن قاتار، كەيبىرەۋلەر ساياساتشىنىڭ اسكەري كەزەڭدە كۇزەتسىز جۇرۋىنە الاڭداۋشىلىق ءبىلدىردى.
ۇقساس جاڭالىقتار
