بەلارۋس پرەزيدەنتى الەكساندر لۋكاشەنكونى سايلاۋداعى جەڭىسىمەن قازاقستاننىڭ ەكس-پرەزيدەنتى نۇرسۇلتان نازارباەۆ قۇتتىقتادى. بۇل تۋرالى بەلارۋس پرەزيدەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، نازارباەۆ لۋكاشەنكونى جەڭىسىمەن شىن جۇرەكتەن قۇتتىقتاپ، بەلارۋس حالقىنا ىزگى تىلەكتەرىن جەتكىزدى.
«نۇرسۇلتان نازارباەۆ الەكساندر لۋكاشەنكونى شىن جۇرەكتەن قۇتتىقتاپ، بەلارۋس حالقىنا دا جىلى لەبىزىن ءبىلدىردى. ءوز كەزەگىندە الەكساندر لۋكاشەنكو نازارباەۆقا جىلى سوزدەرى مەن تىلەكتەرى ءۇشىن ريزاشىلىعىن ءبىلدىردى»، – دەلىنگەن حابارلامادا.
سونىمەن قاتار، ەكى تاراپ جاقىن ارادا كەزدەسىپ، ماڭىزدى ماسەلەلەردى تالقىلاۋ تۋرالى كەلىسىمگە كەلگەن.
ايتا كەتەيىك، بۇعان دەيىن قازاقستان پرەزيدەنتى قاسىم-جومارت توقاەۆ تا الەكساندر لۋكاشەنكونى سايلاۋداعى جەڭىسىمەن العاشقىلاردىڭ ءبىرى بولىپ قۇتتىقتادى.
ەسكە سالايىق، 26 قاڭتار كۇنى بەلارۋس پرەزيدەنتتىك سايلاۋىندا الەكساندر لۋكاشەنكو 80%-دان استامى داۋىس جيناپ، 7-ءشى رەت پرەزيدەنت بولىپ سايلاندى.
