استانادا نازارباەۆ ۋنيۆەرسيتەتىنىڭ 22 جاستاعى ستۋدەنتى جاتاقحانانىڭ 12-قاباتىنان قۇلاپ، قازا تاپتى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
وقيعا 15 تامىزدا بولعانىمەن، بۇل تۋرالى اقپارات جاقىندا عانا بەلگىلى بولدى. قالالىق پوليتسيا دەپارتامەنتىنىڭ مالىمەتىنشە، فاكتى بويىنشا قىلمىستىق ءىس قوزعالىپ، وقيعانىڭ ءمان-جايى انىقتالىپ جاتىر.
ۋنيۆەرسيتەتتىڭ ءباسپاسوز قىزمەتى دە قايعىلى جاعدايدى راستادى. ولار مارقۇمنىڭ جاقىندارى مەن تۋىستارىنا كوڭىل ايتىپ، جالعان ءارى تەكسەرىلمەگەن اقپارات تاراتپاۋعا شاقىردى.
«ۋنيۆەرسيتەت قايعىرىپ وتىرعان وتباسىنا جانە جاقىندارىنا شىن جۇرەكتەن كوڭىل ايتادى. قاجەتتى شارالار جەدەل قابىلداندى: توتەنشە قىزمەتتەر مەن قۇقىق قورعاۋ ورگاندارى جۇمىلدىرىلدى، سونداي-اق پسيحولوگيالىق قولداۋ كورسەتىلۋدە»، – دەلىنگەن رەسمي حابارلامادا.
