"Біздің орыстар - біздің азаматтар". Елші Абаевтың президент сапары алдындағы сұхбаты

868
Adyrna.kz Telegram

Мемлекет басшысы Қасым-Жомарт Тоқаев 8-9 мамыр күндері Ресейге баруды жоспарлап отыр, деп хабарлайды “Адырна” ұлттық порталы. Бұл туралы Ресейдегі Қазақстан елшісі Дәурен Абаев мәлімдеді

«Біздің президенттер арасындағы кездесу айтарлықтай жиі өтеді. Қазан айында Ресей президенті Владимир Путиннің Қазақстанға сапарынан кейін президенттер екі рет кездесті – Санкт-Петербордағы ЕАЭО және ТМД саммиттерінде және ақпан айында Қазан қаласында Болашақтың ойынында. 8–9 мамырда біздің президент Мәскеуге барады деп жоспарлануда», – деді елші Абаев ТАСС-қа берген сұхбатында.

Абаев Астана мен Киевтің қорғаныс саласындағы байланысына қатысты да пікір білдірген.

«Оған алып-қашпа әңгіме, фейк, расталмаған ақпарат ретінде қарау керек», - деді Абаев.
Ол Қазақстан мен Ресейдің одақтас елдер екенін атап өтті.

«Маған Ресейдегі Қазақстан Республикасының елшісі ретінде Қазақстанда русофобия бар деген сықылды кейбір жалған ақпараттар ыңғайсыздық тудырады. Бұл миф. Ол ақырындап кейбір жасырын Telegram-каналдарда таралып жатыр. Бұл барып тұрған өтірік. Қазақстанда ешқандай да русофобия жоқ. Қазақстанда шамамен 3 млн этникалық орыстар тұрады – біздің орыстар, біздің азаматтар. Өзіңіз ойлаңызшы, қандай да бір русофобия болса. Ондай жоқ, болуы да мүмкін емес. Неге? Себебі біздің тарихымыз ортақ, менталитетіміз ұқсас, тіпті кейбір мәдени кодымыз да ұқсас», – деді Абаев.

Пікірлер