«Zerdeli» mektebiniń oqýshysy Mansur Bıdenov Nazarbaev zııatkerlik mektebine test tapsyryp, eń joǵary upaı jınady. Oqýshyǵa «Zerdeli» mektebiniń negizin qalaýshy Rysbek Máýit sońǵy úlgidegi telefon syılady, dep habarlaıdy “Adyrna” ulttyq portaly.
“Búgin NZM-ǴA tapsyrǵan oqýshylardyń nátıjesi shyǵyp, jan-jaqtan súıinshi suraǵan, qýanyshymen bóliskender kóbeıdi!
Zerdeliden oqyǵan Mansur Bıdenov degen oqýshymyz 1500-den 1470 upaı jınap, Respýblıkadaǵy 20-daı NZM mektepterine tapsyrǵan on myńdaǵan oqýshynyń arasynda chempıon bolyp, rekord jasady!
Ýáde etkenimizdeı búgin Mansurǵa sý jańa Aıfon 15 syıladym! Buǵan deıin de karatedan respýblıka chempıony bolsa, rabotatehnıkadan halyqaralyq jarysqa baryp úlgergen eken! Baǵy men baby qatar shaba bersin deımiz Mansurymyzdyń», dep jazdy Rysbek Máýit feısbýk paraqshasyna.
Sondaı-aq, ol Astana, Almaty, Aqtóbe, Qaraǵandy, Taldyqorǵan qatarly qalalardaǵy eń joǵary upaıdy Zerdeli oqýshylary alǵany anyqtalyp jatqanyn aıtty.
