Әлеуметтік желілерде Франция президенті Эммануэль Макронның президенттік ұшақ бортында жұбайынан шапалақ жеген бейнежазбасы тарады. Мемлекет басшысы бұл жағдайға түсініктеме берді, деп хабарлайды «Адырна» тілшісі.
«Біз жай қалжыңдасып тұрдық. Әйеліммен осылай әзілдесемін. Бұл жағдай ғаламдық мәселеге айнала жаздады», – деді ол.
Еске салайық, алғашында президент әкімшілігі видеоны жалған деп жоққа шығаруға тырысты. Олар кадрлар жасанды интеллект көмегімен жасалған болуы мүмкін деп болжаған. Алайда кейін өз ұстанымдарын өзгертті.
«Бұл – президент пен оның жұбайының сапар басталар алдында аздап әзілдескен сәті болды», – деді Макронның жақын досы.
