الەۋمەتتىك جەلىلەردە فرانتسيا پرەزيدەنتى ەممانۋەل ماكروننىڭ پرەزيدەنتتىك ۇشاق بورتىندا جۇبايىنان شاپالاق جەگەن بەينەجازباسى تارادى. مەملەكەت باسشىسى بۇل جاعدايعا تۇسىنىكتەمە بەردى، دەپ حابارلايدى «ادىرنا» ءتىلشىسى.
«ءبىز جاي قالجىڭداسىپ تۇردىق. ايەلىممەن وسىلاي ازىلدەسەمىن. بۇل جاعداي عالامدىق ماسەلەگە اينالا جازدادى»، – دەدى ول.
ەسكە سالايىق، العاشىندا پرەزيدەنت اكىمشىلىگى ۆيدەونى جالعان دەپ جوققا شىعارۋعا تىرىستى. ولار كادرلار جاساندى ينتەللەكت كومەگىمەن جاسالعان بولۋى مۇمكىن دەپ بولجاعان. الايدا كەيىن ءوز ۇستانىمدارىن وزگەرتتى.
«بۇل – پرەزيدەنت پەن ونىڭ جۇبايىنىڭ ساپار باستالار الدىندا ازداپ ازىلدەسكەن ءساتى بولدى»، – دەدى ماكروننىڭ جاقىن دوسى.
