ماڭعىستاۋ وبلىسىندا ءولى قابىلان تابىلدى. ونىڭ ۆيدەوسىن ەكوبەلسەندى ساكەن دىلداحمەت Instagram-دا جاريالادى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
"2021 جىلدىڭ 9 ماۋسىمىندا الەۋمەتتىك جەلىلەردە ماڭعىستاۋ وبلىسىنداعى ءولى قابىلان تۋرالى اقپارات پايدا بولدى. بۇل وسى ايماقتاعى ەكىنشى جاعداي", - دەپ جازدى دىلداحمەت.
ونىڭ ايتۋىنشا، 2015 جىلى جاڭاوزەندە جەرگىلىكتى تۇرعىندار ءبىر قابىلاندى ولتىرگەن. وسى وقيعادان كەيىن 2018 جىلى تاعى ءبىر قابىلان ءۇستىرت قورىعىنىڭ اۋماعىنا كىرگەنى تىركەلدى. الايدا ول دا ءولدى.
"وكىنىشكە قاراي، بۇل ماڭعىستاۋ وبلىسىنداعى ەكىنشى دەرەك. اڭ ادام قولىنان ولسە، وندا قۇقىق قورعاۋ ورگاندارى كىنالى ادامنىڭ كىم ەكەنىن انىقتاۋ ءۇشىن بارلىق شارانى قابىلداۋى كەرەك", - دەدى ول.
ايتا كەتەيىك، 2021 جىلى قابىلان (الدىڭعى ازيالىق ءتۇرى) قازاقستاننىڭ قىزىل كىتابىنا ەندى.
