ەلوردانىڭ مەكتەپتەرىنە بومبا قويىلعاندىعى تۋرالى جالعان حابارلاما كەلىپ تۇسكەن دەپ حابارلايدى "ادىرنا" ۇلتتىق پورتالى "zakon.kz-كە" سىلتەمە جاساپ.
پوليتسياعا "102" ءنومىرى ارقىلى قوڭىراۋ تۇسكەن، وندا بەلگىسىز بىرەۋلەر نۇر-سۇلتان قالاسىنداعى ورتا مەكتەپتەردىڭ ەلەكتروندى مەكەنجايىنا جارىلعىش زاتتار قويىلدى دەگەن حاتتار جىبەرگەن.
نۇر-سۇلتان قالالىق ءىىب ءباسپاسوز قىزمەتىنىڭ مالىمەتىنشە، پوليتسيا تەكسەرۋ جۇرگىزگەن. ناتيجەسىندە جارىلعىش قۇرىلعىلار تابىلماعان. اتالعان فاكتى بويىنشا قىلمىستىق ءىس قوزعالدى. تەرگەۋ امالدارى جۇرگىزىلۋدە.
"ادىرنا" ۇلتتىق پورتالى
