Ресей ТЖМ басшысы Александр Куренков Азаматтық қорғаныс халықаралық ұйымының Атқарушы кеңесінің отырысына қатысу үшін Бакуге барды. Бұл туралыТАСС ұйымның баспасөз қызметіне сілтеме жасап жазды, деп хабарлайды “Адырна”.
«Бүгін Әзербайжанға Азаматтық қорғаныс халықаралық ұйымының Атқарушы кеңесі мен Генералдық ассамблеясының отырысына қатысу үшін Ресейдің ТЖМ басшысы Александр Куренков келді. Күн тәртібіндегі басты мәселе – осы ұйымның Бас хатшысын сайлау, ол әлемнің 60-тан астам мемлекетінің төтенше жағдайлар қызметтерін біріктіріп, бүкіл әлем бойынша гуманитарлық көмек көрсетеді», - деп хабарлады ТЖМ.
Ресей министрінің Бакуде басқа мемлекеттердің әріптестерімен екіжақты кездесулер өткізуі жоспарланған.
«Ресей ТЖМ төтенше жағдайлардан зардап шеккен елдерге гуманитарлық көмек көрсету мәселелерінде халықаралық аренада жетекші орын алады. Біз әрдайым ашықтық пен өзара құрмет принциптеріне негізделген стратегиялық серіктестермен қарым-қатынасты сақтаймыз», - деді министрдің баспасөз қызметі.
