رەسەي تجم باسشىسى الەكساندر كۋرەنكوۆ ازاماتتىق قورعانىس حالىقارالىق ۇيىمىنىڭ اتقارۋشى كەڭەسىنىڭ وتىرىسىنا قاتىسۋ ءۇشىن باكۋگە باردى. بۇل تۋرالىتاسس ۇيىمنىڭ ءباسپاسوز قىزمەتىنە سىلتەمە جاساپ جازدى، دەپ حابارلايدى “ادىرنا”.
«بۇگىن ازەربايجانعا ازاماتتىق قورعانىس حالىقارالىق ۇيىمىنىڭ اتقارۋشى كەڭەسى مەن گەنەرالدىق اسسامبلەياسىنىڭ وتىرىسىنا قاتىسۋ ءۇشىن رەسەيدىڭ تجم باسشىسى الەكساندر كۋرەنكوۆ كەلدى. كۇن تارتىبىندەگى باستى ماسەلە – وسى ۇيىمنىڭ باس حاتشىسىن سايلاۋ، ول الەمنىڭ 60-تان استام مەملەكەتىنىڭ توتەنشە جاعدايلار قىزمەتتەرىن بىرىكتىرىپ، بۇكىل الەم بويىنشا گۋمانيتارلىق كومەك كورسەتەدى»، - دەپ حابارلادى تجم.
رەسەي ءمينيسترىنىڭ باكۋدە باسقا مەملەكەتتەردىڭ ارىپتەستەرىمەن ەكىجاقتى كەزدەسۋلەر وتكىزۋى جوسپارلانعان.
«رەسەي تجم توتەنشە جاعدايلاردان زارداپ شەككەن ەلدەرگە گۋمانيتارلىق كومەك كورسەتۋ ماسەلەلەرىندە حالىقارالىق ارەنادا جەتەكشى ورىن الادى. ءبىز ءاردايىم اشىقتىق پەن ءوزارا قۇرمەت پرينتسيپتەرىنە نەگىزدەلگەن ستراتەگيالىق سەرىكتەستەرمەن قارىم-قاتىناستى ساقتايمىز»، - دەدى ءمينيستردىڭ ءباسپاسوز قىزمەتى.
