6 مامىر كۇنى رەسەيدىڭ مەملەكەتتىك تەلەارناسىنداعى «ۋاقىت كورسەتەدى« («ۆرەميا پوكاجەت» باعدارلاماسىندا ازەربايجان رەسپۋبليكاسىنىڭ بۇرمالانعان كارتاسى كورسەتىلىپ، وندا اۋماق «تاۋلى قاراباق» دەپ بەلگىلەنگەن، دەپ حابارلايدى "ادىرنا" پورتالى Caliber.az اگەنتتىگىنە سىلتەپ.
وسىعان بايلانىستى ازەربايجان سىرتقى ىستەر مينيسترلىگىنىڭ ءباسپاسوز حاتشىسى ايحان گادجيزادە مالىمدەمە جاساپ، مۇنى ارانداتۋشىلىق جانە ساياسي مانيپۋلياتسيا دەپ باعالادى.
مينيسترلىك مالىمەتىنشە، ازەربايجاننىڭ ەگەمەندىگى مەن اۋماقتىق تۇتاستىعى تولىق قالپىنا كەلتىرىلگەن جانە بۇل حالىقارالىق قاۋىمداستىق تاراپىنان، سونىڭ ىشىندە رەسەي فەدەراتسياسى تاراپىنان دا مويىندالعان.
«رەسەيدىڭ ازەربايجاننىڭ اۋماقتىق تۇتاستىعى مەن ەگەمەندىگىن وزگەرمەيتىن تۇردە قۇرمەتتەيتىنى تۋرالى مالىمدەمەلەرى اياسىندا رف مەملەكەتتىك تەلەارناسىندا ەسكىرگەن، جالعان ءارى سەپاراتيزمدى قولدايتىن نارراتيۆتەردىڭ تاراتىلۋى ازەربايجان-رەسەي قاتىناستارىنىڭ رۋحىنا، سونداي-اق ءوزارا قۇرمەت پەن تاتۋ كورشىلىك قاعيداتتارىنا اشىق تۇردە قايشى كەلەدى. مەملەكەتتىك مەديارەسۋرستاردىڭ مۇنداي جاۋاپسىز ءارى بىرجاقتى ۇستانىمى جول بەرۋگە بولمايدى. ءبىز رەسەي تاراپىنان بۇل ماسەلەگە قاتىستى ناقتى تۇسىنىكتەمە بەرىلىپ، مۇنداي جاعدايدىڭ قايتالانباۋى ءۇشىن قاجەتتى شارالار قابىلدانادى دەپ كۇتەمىز»، — دەلىنگەن مالىمدەمەدە.
