رەسەي اۋماعىندا ۇجىمدىق قاۋىپسىزدىك تۋرالى شارت ۇيىمىنىڭ ء«وزارا ءىس-قيمىل — 2026»، «ىزدەۋ-2026» جانە «ەشەلون-2026» اسكەري وقۋ-جاتتىعۋلارى ءوتىپ جاتىر، دەپ حابارلايدى «ادىرنا» ءتىلشىسى.
اشىلۋ ءراسىمى چەباركۋل پوليگونىندا وتكەن.
وقۋ-جاتتىعۋلارعا ۇقشۇ-عا مۇشە ەلدەردىڭ اسكەري كونتينگەنتتەرى قاتىسۋدا. اشىلۋ سالتاناتىندا ۇقشۇ بىرىككەن شتابىنىڭ باستىعى اندرەي سەرديۋكوۆ، ۇيىم باس حاتشىسىنىڭ ورىنباسارى ميرلان تۇرعىنبەكوۆ، اسكەري كونتينگەنتتەردىڭ باسشىلارى جانە قاتىسۋشى مەملەكەتتەردىڭ وزگە دە وكىلدەرى بولدى.
اندرەي سەرديۋكوۆ باستالعان وقۋ-جاتتىعۋلاردىڭ ۇقشۇ-نىڭ 2026 جىلعا ارنالعان جاۋىنگەرلىك دايارلىعىنىڭ نەگىزگى كەزەڭدەرىنىڭ ءبىرى ەكەنىن مالىمدەدى.
جاتتىعۋلار بارىسىندا ۇيىمعا مۇشە ەلدەردىڭ اسكەري قىزمەتكەرلەرى بىرلەسكەن دايىندىقتان ءوتىپ، بولىمشەلەر اراسىنداعى ءوزارا ءىس-قيمىلدى پىسىقتايدى. ء«وزارا ءىس-قيمىل»، «ىزدەۋ» جانە «ەشەلون» وقۋ-جاتتىعۋلارى ۇقشۇ-نىڭ جەدەل جانە ارنايى دايارلىق باعىتىنداعى نەگىزگى ءىس-شارالارىنىڭ قاتارىنا كىرەدى.
بۇعان دەيىن 24 قىركۇيەك — 3 قازان ارالىعىندا رەسەيدە ۇقشۇ وقۋ-جاتتىعۋلارىنىڭ وتەتىنى ايتىلعان ەدى.
