اقش-تىڭ رەسەيدەگى ەلشىسى لينن ترەيسي 2023 جىلعى قاڭتاردان باستاپ اتقارعان قىزمەتىن اياقتاپ، ماسكەۋدەن كەتەدى. بۇل تۋرالى 27 ماۋسىم كۇنى اقش-تىڭ رەسەيدەگى ەلشىلىگى ءوزىنىڭ Telegram-ارناسىندا جاريالادى، دەپ حابارلايدى “ادىرنا”.
حابارلامادا ترەيسيدىڭ ەڭبەگى ء"بىرىزدى ديپلوماتياعا، ورىس مادەنيەتىنە دەگەن تەرەڭ قۇرمەتكە جانە امەريكالىق حالىققا ادال قىزمەت ەتۋگە" نەگىزدەلگەنى ايتىلعان. ونىڭ جۇمىسىنا "اشىقتىق، ادالدىق جانە ەڭ قيىن ساتتەردە دە ماعىنالى ديالوگتىڭ ماڭىزدى ەكەنىنە سەنىمدىلىك" ءتان بولعانى اتاپ وتىلگەن.
"وسىنداي كۇردەلى كەزەڭدە ءوز ەلىمدى ماسكەۋدە تانىستىرعانىما ماقتانامىن. رەسەيدەن كەتىپ بارا جاتىپ، مەن ەلشىلىكتەگى ارىپتەستەرىمنىڭ ءبىزدىڭ قارىم-قاتىناستارىمىزدى جاقسارتۋعا جانە رەسەيلىك حالىقپەن بايلانىستى ساقتاۋعا كۇش سالاتىنىنا سەنىمدىمىن. ءوز ەلىن سۇيەتىن جانە كۇن سايىن جاقسى بولاشاق ءۇشىن ەڭبەك ەتەتىن رەسەيلىكتەرمەن كەزدەسۋلەر مەنى شابىتتاندىردى", – دەپ جازدى ترەيسي.
سونداي-اق، ول الەكساندر پۋشكيننىڭ "چااداەۆكە" اتتى ولەڭىنەن ءۇزىندى كەلتىردى.
"پوكا سۆوبودويۋ گوريم،
پوكا سەردتسا دليا چەستي جيۆى،
موي درۋگ، وتچيزنە پوسۆياتيم
دۋشي پرەكراسنىە پورىۆى!"
(قازاقشا ماعىناسى:
«بوستاندىق وتىنا كۇيگەندە،
ارعا ادال بوپ جۇرگەندە،
دوسىم، وتانعا ارنايىق
جاننىڭ اسىل سەزىمىن!»)
ايتا كەتسەك، لينن ترەيسي – رەسەيدەگى العاشقى ايەل-ەلشى. 30 جىلدان استام تاجىريبەسى بار ديپلومات 2023 جىلعى قاڭتاردا ماسكەۋدەگى
2024 جىلعى 29 قازاندا، ساياسي قۋعىن-سۇرگىن قۇرباندارىن ەسكە الۋ كۇنىندە، ترەيسي ماسكەۋدەگى سولوۆەتسكي تاسىنا گۇل شوقتارىن قويعان شەتەلدىك ديپلوماتتاردىڭ قاتارىندا بولدى. ال 16 اقپاندا، وپپوزيتسيونەر الەكسەي ناۆالنىيدىڭ قايتىس بولعانىنا ءبىر جىل تولعان كۇنى، ول ماسكەۋدەگى بوريسوۆ زيراتىندا ورنالاسقان ونىڭ قابىرىنە گۇل قويۋ راسىمىنە قاتىسقان.
ترەيسيدىڭ ايتۋىنشا، ديپلوماتيالىق ميسسياسىن اياقتاعاننان كەيىن ول ديپلوماتيالىق قىزمەتتەن كەتىپ، وتباسىمەن كوبىرەك ۋاقىت وتكىزۋدى جوسپارلاپ وتىر.
اقش پرەزيدەنتى دجو بايدەننىڭ اكىمشىلىگى رەسەيگە جاڭا ەلشى رەتىندە اقش-تىڭ ليۆيا بويىنشا ارنايى وكىلى ريچارد نورلاندتى ۇسىندى. بۇل تۋرالى "كوممەرسانت" گازەتى حابارلادى. باسىلىمنىڭ دەرەگىنشە، بۇل شەشىم بايدەن اكىمشىلىگى تۇسىندا قابىلدانىپ، دونالد ترامپتىڭ كومانداسى بۇل كانديداتۋرانى كەرى قايتارماعان.
ريچارد نورلاند — 40 جىلدان استام ديپلوماتيالىق تاجىريبەسى بار تۇلعا. 1980-جىلدارى ول اقش-تىڭ كسرو-داعى ەلشىلىگىندە دە قىزمەت ەتكەن.
