قىرىم كوپىرىنە تاعى ءبىر شابۋىل جاسالدى

125
Adyrna.kz Telegram
https://www.adyrna.kz/storage/uploads/AvS5iJHkVWUkBj15Re81qU4PiDGPXB80YfwGHaTd.webp

فوتو: Airbus/Vertical 52

قىرىم تۇبەگىن رەسەيمەن جالعايتىن قىرىم كوپىرىندە قوزعالىس ۋاقىتشا توقتاتىلدى، دەپ حابارلايدى "ادىرنا" ۇلتتىق پورتالى DW-عا سىلتەپ. 

بۇعان كوپىرگە جاسالعان كەزەكتى شابۋىل سەبەپ بولعان. بۇل تۋرالى تۇبەكتىڭ «باسشىسى» سەرگەي اكسەنوۆ 19 قاراشاعا قاراعان ءتۇنى Telegram-ارناسىندا مالىمدەدى.

ونىڭ ايتۋىنشا، قازىر شابۋىل سالدارىنان كەلگەن زالال باعالانىپ جاتىر.

Telegram جەلىسىندەگى Exilenova+ ارناسىنىڭ مالىمەتىنشە، كوپىرگە قايتادان زىمىرانمەن سوققى جاسالعان. ال «كرىمسكي ۆەتەر» ارناسى جەرگىلىكتى تۇرعىندارعا سىلتەمە جاساپ، نىسانعا ەكى زىمىران تيگەن بولۋى مۇمكىن ەكەنىن حابارلادى. بولجام بويىنشا، سوققىلار كوپىردىڭ تەمىرجول بولىگىنە باعىتتالعان.

ايتا كەتەيىك، بۇل – ءبىر اپتا ىشىندەگى قىرىم كوپىرىنە جاسالعان ءۇشىنشى شابۋىل. بۇعان دەيىن ۋكراينا قارۋلى كۇشتەرى 16 جانە 17 قاراشادا كوپىرگە سوققى جاساعانى حابارلانعان ەدى. العاشقى شابۋىل كەزىندە شامامەن 100 ۇشقىشسىز ۇشۋ اپپاراتى قولدانىلعان. ەكىنشى شابۋىلدا دروندارمەن قاتار «نەپتۋن» جانە «فلامينگو» زىمىراندارى پايدالانىلعانى ايتىلدى.

پىكىرلەر