АҚШ Әділет министрлігі Иран тарапынан Дональд Трамптың әуе кемесіне зымыранмен шабуыл жасау қаупін оған жасалған қастандық әрекеттерінің бірі ретінде бағалады. Бұл туралы ведомство АҚШ Жоғарғы сотына жолдаған шұғыл өтінішінде мәлімдеді, деп хабарлайды "Адырна".
Құжатта Air Force One ұшағына зымыранмен соққы беру қаупі Трампқа бағытталған соңғы қауіптердің бірі ретінде көрсетілген.
АҚШ әкімшілігі аталған қауіпті Ақ үй аумағында жоспарланған жаңа бал залын салу жобасын жалғастыру қажеттілігінің себептерінің бірі ретінде келтірді. Жоба шамамен 90 мың шаршы метр аумақты қамтиды.
Әділет министрлігінің мәліметінше, бал залының құрылысы қауіпсіздік инфрақұрылымымен де байланысты. Жоба аясында жерасты әскери кешені мен басқа да қауіпсіздік нысандарын қарастыратын инфрақұрылым көзделген.
Басылымның хабарлауынша, НАТО саммиті кезінде Трамп Түркиядан ұшып шыққан сәтте қауіпсіздік мақсатында Air Force One ұшағынан басқа әскери ұшаққа жасырын түрде ауыстырылған.
Осылайша, АҚШ Әділет министрлігі Трамптың әуе кемесіне төнген зымырандық шабуыл қаупін президентке бағытталған қастандық әрекеті ретінде бағалап отыр.
