اقش ادىلەت مينيسترلىگى يران تاراپىنان دونالد ترامپتىڭ اۋە كەمەسىنە زىمىرانمەن شابۋىل جاساۋ قاۋپىن وعان جاسالعان قاستاندىق ارەكەتتەرىنىڭ ءبىرى رەتىندە باعالادى. بۇل تۋرالى ۆەدومستۆو اقش جوعارعى سوتىنا جولداعان شۇعىل وتىنىشىندە مالىمدەدى, دەپ حابارلايدى "ادىرنا".
قۇجاتتا Air Force One ۇشاعىنا زىمىرانمەن سوققى بەرۋ قاۋپى ترامپقا باعىتتالعان سوڭعى قاۋىپتەردىڭ ءبىرى رەتىندە كورسەتىلگەن.
اقش اكىمشىلىگى اتالعان قاۋىپتى اق ءۇي اۋماعىندا جوسپارلانعان جاڭا بال زالىن سالۋ جوباسىن جالعاستىرۋ قاجەتتىلىگىنىڭ سەبەپتەرىنىڭ ءبىرى رەتىندە كەلتىردى. جوبا شامامەن 90 مىڭ شارشى مەتر اۋماقتى قامتيدى.
ادىلەت مينيسترلىگىنىڭ مالىمەتىنشە، بال زالىنىڭ قۇرىلىسى قاۋىپسىزدىك ينفراقۇرىلىمىمەن دە بايلانىستى. جوبا اياسىندا جەراستى اسكەري كەشەنى مەن باسقا دا قاۋىپسىزدىك نىساندارىن قاراستىراتىن ينفراقۇرىلىم كوزدەلگەن.
باسىلىمنىڭ حابارلاۋىنشا، ناتو ءسامميتى كەزىندە ترامپ تۇركيادان ۇشىپ شىققان ساتتە قاۋىپسىزدىك ماقساتىندا Air Force One ۇشاعىنان باسقا اسكەري ۇشاققا جاسىرىن تۇردە اۋىستىرىلعان.
وسىلايشا، اقش ادىلەت مينيسترلىگى ترامپتىڭ اۋە كەمەسىنە تونگەن زىمىراندىق شابۋىل قاۋپىن پرەزيدەنتكە باعىتتالعان قاستاندىق ارەكەتى رەتىندە باعالاپ وتىر.
