Фото ЖИ көмегімен жасалды
Қазақстан Үкіметі Курчатов қаласында қуаты 700 МВт болатын электр станциясын салу жөніндегі инвестициялық келісімді мақұлдады, деп хабарлайды “Адырна” тілшісі.
Тиісті қаулыға премьер-министр Олжас Бектенов қол қойған.
Жобаның жалпы құны — 881 млрд теңге, яғни шамамен 1,9 млрд доллар.
Электр станциясы әрқайсысының қуаты 350 МВт болатын екі энергоблоктан тұрады. Оларды 2032 жылға дейін кезең-кезеңімен пайдалануға беру жоспарланып отыр.
Жоба толық іске қосылғаннан кейін станция жылына 5 млрд кВт·сағатқа дейін электр энергиясын өндіре алады. Сонымен қатар шамамен 4,4 мың жұмыс орны ашылады деп күтілуде.
Станция заманауи бу-күштік қондырғылармен жабдықталады. Олар жоғары қысым мен температура жағдайында жұмыс істеуге бейімделген. Жобада «таза көмір» технологияларын қолдану қарастырылған.
