Foto Jİ kömegımen jasaldy
Qazaqstan Ükımetı Kurchatov qalasynda quaty 700 MVt bolatyn elektr stansiiasyn salu jönındegı investisiialyq kelısımdı maqūldady, dep habarlaidy “Adyrna” tılşısı.
Tiıstı qaulyǧa premer-ministr Oljas Bektenov qol qoiǧan.
Jobanyŋ jalpy qūny — 881 mlrd teŋge, iaǧni şamamen 1,9 mlrd dollar.
Elektr stansiiasy ärqaisysynyŋ quaty 350 MVt bolatyn ekı energobloktan tūrady. Olardy 2032 jylǧa deiın kezeŋ-kezeŋımen paidalanuǧa beru josparlanyp otyr.
Joba tolyq ıske qosylǧannan keiın stansiia jylyna 5 mlrd kVt·saǧatqa deiın elektr energiiasyn öndıre alady. Sonymen qatar şamamen 4,4 myŋ jūmys orny aşylady dep kütılude.
Stansiia zamanaui bu-küştık qondyrǧylarmen jabdyqtalady. Olar joǧary qysym men temperatura jaǧdaiynda jūmys ısteuge beiımdelgen. Jobada «taza kömır» tehnologiialaryn qoldanu qarastyrylǧan.
